ചോറ്റുപാത്രം തുറക്കാറില്ല
കൂട്ടുകാരുടെ മുന്നില് വച്ച്
കാരണം എന്റെ അന്നത്തിന്
ശൂന്യതയുടെ മണമാണ്.....
ആരോ വലിച്ചെറിഞ്ഞുപോയ
കുറ്റി ബീഡിയില് വിശപ്പൊതുക്കുന്ന
കുഞ്ഞനിയനോടരുതെന്ന് പറയാറില്ല,
കാരണം അവന്റെ മറു ചോദ്യങ്ങള്ക്ക്
എനിക്ക് ഉത്തരമില്ല....
അമ്മയുടെ ഒട്ടിയ വയറിന്
അടുപ്പിനോട് പരാതിയില്ല,
കാരണം ഉമ്മറത്ത് ചുരുണ്ടുകൂടി
ചുമച്ച് ചുമച്ച് തീ തുപ്പുന്ന അച്ഛന്.....
മരുന്ന് കടയിലെ മറവിക്കാരനോട്
ഇനിയും കടം പറയാനാവില്ല...
അതിനാല് ഒടുക്കത്തെ കടം പറഞ്ഞു!
ഒരു കുപ്പി വിഷം
മൂന്നു തുള്ളി വീതം നാല് പേര്ക്ക്....!!!
----ദീപ----
No comments:
Post a Comment