ടിക്കറ്റില്ലാത്ത യാത്രക്കാരനെ പോലെ
കനത്ത നെഞ്ചിടിപ്പുമായ്
ജനനത്തിനും മരണത്തിനുമിടയില്‍
ഒരു കണ്ണു പൊത്തിക്കളി.
മുനയൊടിഞ്ഞ പെന്‍സിലിന്റെ അറ്റം
പല്ലുകൊണ്ട് കടിച്ചു കീറി
ഗള്‍ഫ്‌ 'കട്ടറു'മായിരിക്കുന്നവനോട്
അസൂയയുടെ രണ്ടര സെന്റിമീറ്റര്‍
പെന്‍സിലും പിടിച്ച്
ഉള്ളിലെ നാണക്കേട്‌ മാറ്റുവാന്‍
ഒരു പരിഹാസ്യ ഭാവം...
പ്രണയിനിക്ക് പകുത്തു നല്‍കാന്‍
ഒരുക്കി വച്ച ഹൃദയത്തില്‍
കാശുള്ളവന്റെ ബൈക്കിന്റെ
പുറകിലിരുന്നു അവള്‍
വെളുത്ത പല്ല് കൊണ്ട് കോറിയപ്പോള്‍
വായിച്ചു മടുത്ത പുസ്തകങ്ങളില്‍
കലങ്ങിയ കണ്ണും നട്ട് മുളപ്പിച്ചെടുത്ത
'ബുജി' എന്നാ വിളിപ്പേര്....
എന്നിട്ടും തീരാ നൊമ്പരങ്ങളുടെ
മൂളലിനിടയില്‍
മൂട്ട വിളക്കിന്റെ പുകച്ചൂടില്‍
ചിറകു കരിഞ്ഞൊരു വീഴ്ച്ച....
അപ്പോഴും ടിക്കറ്റ് എക്സാമിനറുടെ മുഖത്ത്
ഇല്ലാത്ത ടിക്കറ്റ് തപ്പാന്‍
കീശയിലിടാന്‍
കൈയില്ലാത്തവനോടുള്ള
ദയനീയ ഭാവം....
......വൈശാഖ്‌....-
നന്നായിട്ടുണ്ട്
ReplyDeleteഇവിടെ എന്നെ വായിക്കുക
http://admadalangal.blogspot.com/